index

ابتسم انت في الاردن

اذهب الى الأسفل

ابتسم انت في الاردن

مُساهمة من طرف hassan في الثلاثاء مايو 20, 2008 11:11 pm

إذا مشيت بالشارع يوم من الأيام ... وشفت سياره تكسي صفرا من جوا ضو أزرق ... وسي دي معلق على المراي ... وجواتها شب مربي سكسوكه ولابس بنطلون كونز ومعبي السيارة من برا تعليقات وملصقات ... فأنت تسير في شوارع الاردن



إذا كنت واقف على الإشارة ولما تصير صفرا بتسمع سبعين واحد بيزمرو وراك .... فأنت في الاردن


إذا كنت ماشي وعلى بعد 200 متر إشارة خضرا .. وشفت كل السيارات بتتجاوز عنك عن اليمين .. عن الشمال ... مش فارقه .. المهم يلحقوا الإشارة خضرا .... بتكون في الاردن


إذا دخلت أي دائرة حكومية وشفت الموظف قاعد
ماد بوزه ومكشر ووجهه فلتبتسم لانك في إحدى الدوائر الحكومية فيالاردن



اذا سمعت الحوار التالي

- ألو

- ألو

- مرحبا

- هلا ..

هلا- كيف الحال

- والله الحمد لله ... انت شو أخبارك

- تمام الله يسلمك

- شو فيه ما فيه

- والله صافيه وافيه

.. مين معي

- انت الطالب .

. مين حضرتك

- مش تليفون ابو غازي

- لا يا خوي النمره غلط

- آه ... حقك علي يابه

-ولا يهمك .. كسبنا سماع هالصوت

- يا سيدي الله يحي اصلك .. من وين انت

- انا من السلط هادا احنا قرايب

- يا سيدي حياك الله ... مع السلامه

- هلا .. هلا .. الله معك

طبعا اذا سمعت مثل كل هذا الحوار ... والنمره غلط ... فأنت أكيد في الاردن



اذا كنت تتحدث مع شخص عن أسعار الاراضي ... وقالك انه الارض الفلانيه اللي في شارع النزهةا كانت لجده وكان يزرع فيها بندوره وفقوس .. وباعها بثلاثمية ليره بالستينات ... فأنت اكيد في الاردن




اذا كنت ماشي بالشارع ... وشفت واحد بيجح بخلقتك .. هيك بدون سبب ... لا هو مسلِم .. ولا هو مبتسم لك ... بس بيجح كانك قاتل ابوه .... فانت ماشي في الاردن



اذا رن عليك واحد مش شايفه صار لك عشرطعشر سنه ... وساعه وهو يسلم عليك ويمدح فيك وآخر اشي سألك : بالله وين محول راتبك .... اكيد بتكون بل اردن




اذاكنت قاعد بمكان عام ... وكل اللي حواليك ماسكين موبايلاتهم وسمعت .. ' بالله شغل البلوتوث .. بدي أبعث لك شغله طقع ' ... بتكون بل اردن



اذا سمعت كلمة صافيه وافيه ... وهي لا صافيه ولا وافيه .. بتكون بل اردن



اذا شفت 608 موديل الف وتسعميه وخشبه محمل بندوره والشوفير شاد الحطة على راسه ومش شايف لا شمال ولا يمين .. ويا أرض اشتدي ما عليكي أدي .. بدي أسبق كل التكاسي .. بتكون بل اردن







اذا الدنيا رشت شوية بَرَد ...ووزارة التربية علَقت الدراسه .. والحكومة اعلنت عطلة رسمية بسبب خوفها من الثلج الغادر .. والتلفزيون بث مسرحية العيال كبرت .... معناته انت كمان بل اردن




اذا شفت الجو ..هَه .. برشرش ثلج والناس بتقدر تركض عالخبز والكاز بس ما بتقدر تروح تداوم ... برضه بتكون بل اردن






اذا بيوم من الايام حضرت عرس ... ونزلت الشباب عالدبكه وبلش العرق يزرب وحميت مع أبو فلان وسحب الكلاشنكوف وطررررررر .. بلش طخ عن جنب وطرف وهو برقص وبدبك ... وسقط ثلاث شهداء من جراء القصف العشوائي ..... ابتسم .. انت بتحضر عرس اردني





اذا تجوزت .. والناس واقفيتلك عالمسطره بتستنا أسبوع العسل لما يخلص عشان يفيعو عليك ويهجموا هجمة رجل واحد .. وكل واحد فايت يا بجيبلك طقم فناجين قهوه .. يا صينيه ... وبالآخربتحوشلك سبعطعشر طقم قهوه .. واحدعشر صينيه .. بتكون بتمارس واجباتك الاجتماعيه باالاردن..... ابتسم..






اذا كنت قاعد على مكتبك بوظيفتك .... وكل المراجعين اللي اجوك طلعو يا قرايبك يا نسايبك يا مخاولك وكل واحد الا يسألك بتعرف فلان الفلاني .... هذا ابن عم جدتها لبنت عم مرة أخوي اللزم هاتلك بوسه يا رجل .. اممممموا .. اممممممممممممممموا .. ابتسم .. فانت في الاردن



اذاكنت ماش بسيارتك مستعجل بدك تلحق موعد .. ولا الشارع مليان سيارات عن اليمين والشمال ... امشي ... امشي . امشي ... والسير يالله ماشي ... فجأه بتشوف هالسياره المزينه ... وكلها ورد وشبر.. والعريس النضوه حاط نيوترا وداحل ... ليش السير شبه واقف .. لانه كل واحد من المحترمين اللي بالزفه بده يوقفله خمس دقايق جنب سيارة العروس يصفقلهم شوي وينظر النظره الاخيره او الوداع الاخير للعروسه نيال ابوها .. اذا صار معك مثل هذا الموقف ... مش تبتسم بس ... اضحك واقلب ع ظهرك .. انت بل الاردن يا عمي






اذا كنت بصلاة الجمعه ... كلك ايمان وخشوع بعد الخطبه المؤثره ... والامام صوته ما شاء الله بيدغدغ القلوب .. وأول ما سلم الامام .. وخلصت الصلاه سمعت : ' أحمر يا زر البندوره ..بدينارالبكسه بدينار' أصابع البوبو يا خياااااااااااار ... أربعه كيلوبدينار.. يالله يالله' ' عالسكين يا بطييييييييخ ... أحمر أحمر يا يا ابو قرعه ' وطار الخشوع ... وفقع قلبك ... وصحتين وعافيه... ابتسم .... وابتسم .... وخلي طواحينك يبينو ... انت على باب جامع في الاردن





ومع اني اردني ... وبالرغم من كل اللي بحصل في الاردن... شو حلوه يا بلدي
يلا بدي ردووووود
avatar
hassan
مشرف
مشرف

ذكر عدد الرسائل : 132
العمر : 30
الموقع : www.7assan&do3a2.com/D7
العمل/الترفيه : studant
تاريخ التسجيل : 20/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ابتسم انت في الاردن

مُساهمة من طرف المدير في الأربعاء مايو 21, 2008 7:14 am

ههههههههههههههههههههههههههههه
يا رجل كل هاض عندنا بالاردن وال
الله يعيننا لعاد
يسلمو ايديك حسون

المدير
المدير
المدير

ذكر عدد الرسائل : 204
العمر : 36
العمل/الترفيه : Administrative
تاريخ التسجيل : 01/08/2007

معاينة صفحة البيانات الشخصي للعضو http://remthaweyat.ahlamontada.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى