index

فعلا انه الدخان نعمه .......

استعرض الموضوع السابق استعرض الموضوع التالي اذهب الى الأسفل

فعلا انه الدخان نعمه .......

مُساهمة من طرف hassan في الأحد يونيو 01, 2008 9:47 am

بسم الله الرحمن الرحيم

كيفكوا اليوم .......... أن شاء الله كل الأعضاء تمام ...........
طيب خلينا نفوت بالموضوع .......... الموضوع منقول من جريدة أسرار ( 24/02/2007 ) ... وهو من سلسلة مقالات بعنوان قعدة شباب .........


""فعلا انه الدخان نعمه

24/02/2007


منتهى اللذة لما أقربها من تمي ولما أحسها بين شفايفي وأحس بدفا نفسها .. عنجد السيجارة رائعة . وفعلا انه الدخان نعمه ...
الدخان مين قال انه حرام أو مكروه مستحيل بالعكس .. أنا بقول انه مفيد وسيجارة مع فنجان قهوة الصبحيات عالريق بتسوى الدنيا .. عشان هيك بدي أشجع على الدخان وكلامي كله موجه للشب اللي مابدخن ويدي أخليه يقتنع بدخان .. ولازم إنتا يلي ما بدك اتوسخ جسمك بدخان لازم أخليك تصير ادخن عشان هيك بدي اتصير اتدخن بكيت في اليوم ولمدة خمسين سنة .. ! نفرض انه عمرك الآن 20 سنة وبدك اتدخن لسن السبعين عشان الدخان بطول العمر ..
وبما انه طول السيجارة الوحدة 8.5 سم والبكيت فيه عشرين سيجارة يعني راح اتدخن في اليوم 1.70 متر السنة فيها 365 يوم يعني حتدخن في السنة 620.5 متر واتفقنا انك بدك اتدخن خمسين سنة يعني راح اتدخن 31025 متر من الدخان بس .. تخيل كل هالامتار بدخلو جسمك جد وين بدخلو ... ؟؟
وزي ما قلتلك لازم اتصير اتدخن فمش لازم نهتم انو حتصير ريحه تمك طالعه وانك راح اتبطل تستطعم بالأكل وانو ريحه جسمك وايديك بتقزز لأنها أشياء مش مهمة انك تفكر فيها .. اتفقنا انك اتدخن بكيت باليوم يعني 7300 سيجارة بالسنة و365000 سيجارة بالخمسين سنه ولو فرضنا انه كل سيجارة فيها جرثومة وحده قاتله معناتو بطلع لكل كمشه خلايا بجسمك جرثومة وحده قاتله ..
لكن هل فعلا الدخان راح يساعدك انك اتعيش سبعين سنة ؟ اتخيل انو لو كل سيجارة من 365000 كان في بفرمه ورق الدخان صرصور أو سحلية أو ذنب فار (عرسه) فتخيل كم حوشت جوا جسمك من سحالي وصراصير وبزاقات وخنافس ، ياعمي يا نيالك صار جوا جسمك حديقة حيوان ... تخيل وانته بتسحب سحبة من السيجارة انك سحبت رجل عرسه أو رأس جندب أو معدة بزاقة ... ياعمي يا فرحة قلبك فعلا لحمه وفيتامينات .. جد انو الدخان نعمه .
عشان تقتنع أكثر بالدخان انزل على غرفة البويلر الى عندك في التسوية واطلع على البويلر ( التدفئة ) شايف الاحتراق إلي جوا البويلر ؟ شام ريحه الديزل المحترق المنعش ؟ هيك حتكون رئتك من الدخان ... والشحبار الي حوليك في غرفة البويلر حيكون مثلو في كل جسمك .. وتخيل خلايا الدم حامله بدل السلطة والمقلوبة والمناسف ولبن الشنينة حتكون حامله الدخان والشحبار والأوساخ والأمراض والسرطان ..
وفي الختام بدي اذكر قصة صارت مع صاحبي .. كان صاحبي محمد قاعد عند حلاق بستنى دورو .. وكان في زلمه ختيار بحلق عند الحلاق وعم بدخن فسئل محمد الختيار : ياعمي كم سنه صارلك بتدخن حكالو 45 سنه كل يوم 3 باكيتات .. فراح محمد حسب حسبه طلع الختيار صارف على الدخان 49275 دينار فقال محمد للختيار شايف يا عمي لو جمعت هاد المبلغ كان هسه ابتقدر تشتري سيارة البي ام الي واقفة هناك .. قام الختيار سحب سحبه من السيجارة بعمق وحكى لمحمد شايف هاي السيارة هاي سيارتي يا طبرة ... وكل سيجارة وانتو بخير . ""

إن شاء الله بعجبكوا الموضوع ........... وما تحرمونا من الردود
avatar
hassan
مشرف
مشرف

ذكر عدد الرسائل : 132
العمر : 29
الموقع : www.7assan&do3a2.com/D7
العمل/الترفيه : studant
تاريخ التسجيل : 20/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: فعلا انه الدخان نعمه .......

مُساهمة من طرف طارق زياد مسلم في الأربعاء يونيو 04, 2008 9:05 am

والله انو معك ما في شي بعادل لذة الدخان وخاصة مع القهوة
avatar
طارق زياد مسلم
عضو جديد
عضو جديد

ذكر عدد الرسائل : 3
العمر : 28
الموقع : amman
العمل/الترفيه : student
تاريخ التسجيل : 19/05/2008

معاينة صفحة البيانات الشخصي للعضو http://www.yahoo.com

الرجوع الى أعلى الصفحة اذهب الى الأسفل

رد: فعلا انه الدخان نعمه .......

مُساهمة من طرف hani_2007 في الخميس يونيو 05, 2008 1:26 pm

والله لو فيه صراصير وعناكب وسحالي وابو بريص وكل شي بدي دخن ما بقدر ابعد عنو خصوصي مع القهوة يليعن الحيط شو بترتاح النفسيه معو
avatar
hani_2007
مشرف
مشرف

ذكر عدد الرسائل : 314
العمر : 30
الموقع : www.hi5.com
العمل/الترفيه : student
تاريخ التسجيل : 03/05/2008

معاينة صفحة البيانات الشخصي للعضو http://www.hani86.hi5.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى